İstifadə şərtləri

01Platformanın məqsədi

BirlikTeam təhsil məqsədli platformadır. Platformada keçid ballarının axtarılması və filtrlənməsi, ixtisas seçiminə kömək edən funksiyalar, təhsil xəbərləri, sınaq və quizlərin yaradılması və işlənməsi, nəticələrin idarə olunması, profil, izləmə, paylaşım və digər təhsil yönümlü funksiyalar təqdim edilə bilər.

02Qeydiyyat və istifadəçi hesabı

Platformanın müəyyən funksiyalarından istifadə etmək üçün hesab yaratmaq tələb oluna bilər.

İstifadəçi qeydiyyat zamanı təqdim etdiyi məlumatların düzgünlüyünə və öz hesabının təhlükəsizliyinə cavabdehdir.

Başqa şəxsin hesabından icazəsiz istifadə etmək və ya özünü başqa şəxs kimi təqdim etmək qadağandır.

03İstifadəçi davranışı

BirlikTeam-dən istifadə zamanı digər istifadəçilərin hüquqlarına hörmət edilməlidir.

Aşağıdakı davranışlara yol verilmir:

• təhqir, təhdid və ayrı-seçkilik;
• spam və saxta məlumatların məqsədli yayılması;
• digər istifadəçilərin şəxsi məlumatlarının icazəsiz paylaşılması;
• platformanın normal fəaliyyətinə mane olan hərəkətlər.

04Paylaşımlar və şərhlər

İstifadəçilər platformada fikir, paylaşım və şərhlər yerləşdirə bilərlər.

İstifadəçi paylaşdığı məzmuna görə özü məsuliyyət daşıyır. Qanunsuz, başqasının hüquqlarını pozan və ya platformanın qaydalarına zidd məzmun silinə və ya məhdudlaşdırıla bilər.

05Sınaq və imtahanların yaradılması

İstifadəçilər platformanın imkanlarından istifadə edərək sınaq və quizlər yarada bilərlər.

Sınağın müəllifi sınağın adı, mövzusu, müddəti, son giriş vaxtı, görünürlüyü, nəticələrin göstərilməsi, şərhlər və digər təqdim olunan parametrləri müəyyən edə bilər.

Sınaqlar üç formada təqdim edilə bilər:

• Xüsusi link — yalnız linki bilənlər girə bilər, kataloqda görünmür;
• Gizli — giriş müəllifin müəyyən etdiyi istifadəçi siyahısı ilə məhdudlaşır;
• İctimai — hamıya açıq və kataloqda görünür; bunun üçün admin təsdiqi tələb olunur.

06Birgə redaktə

Sınağın müəllifi digər istifadəçilərə birgə redaktə hüququ verə bilər. Birgə redaktə hüququ verilmiş istifadəçilər platformanın təqdim etdiyi imkanlar daxilində sınağı redaktə edə və nəticələrə baxa bilərlər.

Bu hüququn kimlərə verilməsinə sınağın əsas müəllifi diqqət etməlidir.

07Sınaq nəticələri

Sınaqların nəticələri istifadəçinin verdiyi cavablar və sınağın müəllifi tərəfindən müəyyən edilmiş qiymətləndirmə qaydaları əsasında formalaşa bilər.

Açıq və ya müəllim tərəfindən qiymətləndirmə tələb edən sualların yekun nəticəsi sonradan dəyişə bilər.

Platformada göstərilən nəticələrin təhsil müəssisələrinin rəsmi imtahan nəticəsi hesab edilməsi yalnız müvafiq qurum bunu ayrıca təsdiq etdikdə mümkündür.

08Keçid balları və ixtisas məlumatları

BirlikTeam-də təqdim edilən keçid balları, ixtisaslar, universitetlər və digər təhsil məlumatları istifadəçilərə məlumat və seçim prosesində kömək məqsədilə təqdim edilir.

Məlumatların mümkün qədər düzgün və aktual saxlanılmasına çalışılsa da, istifadəçi vacib qərar verməzdən əvvəl məlumatı rəsmi mənbədən də yoxlamalıdır.

BirlikTeam-də ixtisasların seçilməsi və yadda saxlanılması rəsmi ixtisas seçimi və ya dövlət qurumuna təqdim edilmiş ərizə hesab edilmir.

09Təhsil xəbərləri

Xəbərlər bölməsində təhsil sahəsində yeniliklər və məlumatlar təqdim edilə bilər. Xəbərin məzmununda rəsmi və ya xarici mənbəyə istinad olduğu hallarda ilkin mənbənin məlumatları əsas götürülməlidir.

10Müəllif hüquqları

İstifadəçilər platformaya əlavə etdikləri sınaqların, şəkillərin, PDF sənədlərin, mətnlərin, audio materialların və digər məzmunların istifadəsi üçün lazımi hüquqa malik olmalıdırlar.

Başqasına məxsus müəllif hüquqları ilə qorunan materialların icazəsiz yayılması yolverilməzdir.

11Qadağan edilmiş istifadə

Aşağıdakılar qadağandır:

• platformanın təhlükəsizliyini pozmağa çalışmaq;
• icazəsiz giriş əldə etmək;
• digər istifadəçilərin hesablarına müdaxilə etmək;
• sistemi bilərəkdən yükləmək və ya sıradan çıxarmağa çalışmaq;
• zərərli proqram və ya kod yaymaq;
• platformadan qanunsuz məqsədlərlə istifadə etmək.

12Hesabların məhdudlaşdırılması

İstifadə Şərtlərinin ciddi və ya təkrar pozulması halında paylaşım və digər funksiyalar məhdudlaşdırıla, müvafiq məzmun silinə və zəruri hallarda istifadəçi hesabına giriş məhdudlaşdırıla bilər.

13Xidmətin mövcudluğu

BirlikTeam platformanı davamlı və stabil saxlamağa çalışır. Bununla belə, texniki xidmət, yenilənmə, nasazlıq və ya BirlikTeam-dən asılı olmayan digər səbəblər nəticəsində xidmət müvəqqəti olaraq əlçatmaz ola bilər.

Platformanın funksiyaları zamanla əlavə edilə, dəyişdirilə və ya yenilənə bilər.

14Şərtlərdə dəyişikliklər

BirlikTeam bu İstifadə Şərtlərini platformanın inkişafına, yeni funksiyalara və hüquqi tələblərə uyğun olaraq yeniləyə bilər.

İstifadəçilərin şərtlərin aktual versiyası ilə tanış olması tövsiyə edilir. Şərtlər dəyişəndə yuxarıdakı «Son yenilənmə» tarixi yenilənir.

15Əlaqə və rəy

Platforma ilə bağlı təklif, irad, texniki problem və ya digər müraciətlər «Rəy bildir» bölməsi vasitəsilə BirlikTeam komandasına göndərilə bilər.

Şəxsi məlumatlarınızın necə saxlanıldığı Məxfilik siyasəti səhifəsində izah olunur.